لقاء جديد بيننا ومعلومات جديدة في مدونة ستاك انالتيكس منصة تحليل سلوك المستخدمين,
انهارده هنوضح بعض الأمور بخصوص اداة ستاك انالتيكس Heatmap
اولاً ايه هو Heatmap؟
بكل بساطة هي خرائط بتوضح ليك نمط اهتمامات المستخدم جوا موقعك ودا بيتحقق هو شايف موقعك ازاي؟ بيضغط فين بالضبط
بيعمل سكرول فين بيلمس انهي جزء من موقعك مش شرط clicks ممكن تبقي hover لو هو علي لابتوب او pc عادي.
ثانياً هل في انواع لل Heatmap؟
بكل بساطة ايوا في انواع زي Click Heatmap – Hover Heatmap – Scroll Heatmap
وفي Geo Heatmap – Eye Tracking Heatmap ودول متقدمين شوية
ازاي اقدر استخدم ال Heatmap في تحسين متجري الالكتروني او موقعي بشكل عام؟
الموضوع يكمن اولاً من التحقق من وجود مشكلة ما وغالباً هيبقي في مشكلة. كل الاحصائيات بتقول ان 70% من مستخدمين اي متجر الكتروني لا يكملو عمليات الشراء ودي اسبابها يطول شرحها هنا.
وعليه نعمل ايه نستسلم؟
بالتأكيد الحل في اننا نعرف مواطن الضعف في الصفحة الي بيتفاعل معاها المستخدم علي سبيل المثال
صفحة منتج ما او صفحة حجز لخدمة معينة لكن استني هنا
احنا هنتبع اسلوب علمي شوية كالعادة لما نتكلم جد يلا بينا
خطوات ما قبل تحليل سلوك المستخدم؟
قبل ما تروح علي تحليل المستخدم لازم الاول تفهم عميلك كويس ودي كان في مقالة هتلاقيها هنا
افهم عميلك لأنه الفرق بين النجاح والفشل في البيزنيسس
هختصر عليك المسافات انت محتاج الاول تحدد مين هو عميلك والمفترض ذهنياً كدا تبقي متخيل هو هيتفاعل مع موقعك ازاي
لكن كالعادة وزي ما قولت ف المقالة الي فوق دي
انت بيبقي عندك تكهنات او امور مختلطة او احتمالات ودا نتيجة ان مفيش حاجة مؤكدة ف البيزنيسس ودايما قائم علي الافتراضات ودورنا نعمل تحقق من الافتراضات دي ونشوف الصح ونمشي وراها.
المهم عشان منطولش انت هتضطر تعمل من الصفحة الي انت بتستهدفها نسخ متعددة ودا مصطلح اسمه A/B Testing
مش عشان A/B يبقي خيار يا فاقوس لا ممكن يبقي بطاطس وطماطم وحاجات تانية كتير
يعني ممكن تعمل كذا version او نسخة من الصفحة
وتبدأ بقي انك تشغل عليهم اداة ال heatmap وعليه فانت هتبقي قادر تحلل كل صفحة لواحدها وانهي صفحة الافضل ليك وبتحقق ليك نتائج اعلي.
طبعاً هنا المشكلة للأسف هو انا هبقي مضطر من كل منتج عندي اعمل ليه كذا صفحة دا مرار طافح دا مش كدا
هقولك انت ممكن تعمل حملة اعلانية وتستهدف منتج او اتنين وتبدأ تنفذ عليهم ال A/B Testing
طيب ازاي انفذ الكلام دا علي موقعي؟
ستاك انالتيكس موجودة عشان كدا
ستاك انالتيكس بتقدم ليك ادوات ال heatmap بشكل مجاني بالكامل تقدر تعمل لحد 5 خرائط بشكل مجاني
وكل خريطة تقدر تتحمل معاك لحد 15 الف مستخدم وتفضل شغاله معاك وتجيب في تقارير لمدة اسبوعين.
اولاً اعمل حساب علي ستاك انالتيكس من هنا
الحساب مجاني بالكامل ومفيش اي مصاريف خفية والدعم متاح طوال اليوم وفي الاجازت كمان.
ثانياً ضيف موقعك
الموضوع مش هياخد معاك غير كام ثانية
ثالثاً ادخل علي موقعك هتلاقي صفحة البيانات فيها معلومات مهمة وهي Client id – Website id
دول هنحتاجهم لما نيجي نعمل ربط ما بين موقعك وما بين ستاك انالتيكس.
رابعاً نعمل integration او ربط مع ستاك انالتيكس
ودي هتلاقيها يا اما في الوثائق او مركز دعم المطورين
دلوقتي احنا جاهزين نعمل خريطة ال Heatmap لانك بعد الربط مع ستاك انالتيكس في لوحة تحكم ستاك انالتيكس
هتلاقي الاحصائيات بدأت تظهر لاننا بنشتغل real time او الوقت الفعلي جوا موقعك عشان التقارير تبقي مفيدة ليك.
هتعمل اضافة لخريطة بالشكل دا
هتحدد الخريطة هتتعمل علي انهي موقع , “ستاك انالتيكس تقدر تضيف عليه كذا موقع ودا مناسب لو كنت شركة او مؤسسة عندها كذا موقع”
هتحدد اسم الخريطة عادي جداً حاجة معبرة مش اكتر.
اهم حاجتين في الخريطة هما الرابط وهل الرابط دا متشابه او عدم احتساب روابط مشابهة
ازاي احدد الرابط الي هشتغل عليه؟
بكل بساطة لازم تسأل نفسك هل انت هتعمل خريطة لمنتج معين بعينه ولا عاوز انظمة ستاك انالتيكس تاخد في الحسبان المنتجات التانية
يعني مثلاً هل عاوز نراقب الرابط دا فقط
https://www.stackanalytix.com/blog/product/tttt
ولا عاوز نراقب الرابط دا والروابط الي زي دي
https://www.stackanalytix.com/blog/product/yyyy
https://www.stackanalytix.com/blog/product/jjjj
https://www.stackanalytix.com/blog/product/uyuyu
لو انت محتاج منتج معين او رابط معين فقط حط الرابط
https://www.stackanalytix.com/blog/product/tttt
واختار احتساب الروابط المشابهة لا
لو انت حابب نعتبر وناخد معانا في حسابتنا الروابط المشابهة هتحط الرابط بالشكل دا
https://www.stackanalytix.com/blog/product/
يعني الجزء دا tttt مش تحطه وطبعاً اختار احتساب الروابط المشابهة نعم
نقطة مهمة جداً
الصفحة الرئيسية دائماً وابداً لو حابب تحللها اختار اختار احتساب الروابط المشابهة لا
اصلا دي مشكلة كبيرة لو اخترتها نعم النتائج لا يمكن تبقي سليمة.
النهاية
طبعاً انت كدا اتعلمت ازاي تعمل خرائط heatmap متنساش تشغلها ولو واجهتك اي مشاكل تقدر تكلمنا علي رسائل الصفحة
هنتواصل معاك في الحال.
حاجة كمان مهمة حسابك المجاني متاح ليه 5 خرائط فقط استخدمهم بحرص واعمل كذا version او نسخة وجرب
وتقدر تكلمنا علي رسائل الصفحة للحصول علي الاستشارات “يفضل حجز موعد مسبقاً علي الصفحة ايضاً”
